اب جی تھری نہیں تھری جی کا زمانہ ہے:امیرجماعت اسلامی سراج الحق

کراچی(92ڈیسک)کراچی میں این اے دو سو چھیالیس کی انتخابی مہم کے سلسلے میں جماعت اسلامی  کے جلسے سے خطاب کرتے ہوئے جماعت اسلامی کے امیر سراج الحق نے کہا ہے کہ اب جی تھری نہیں تھری جی کا زمانہ ہے ، پر امن کراچی سے خوش حال پاکستان بننے میں مدد ملے گی اور عالم اسلام اور اٹھارہ کروڑ عوام کی ضرورت ہے ۔ انہوں نے کہا کہ  تئیس اپریل کو سیلکشن نہیں بلکے الیکشن ہونا چاہئے۔ ان کا کہنا تھاکہ  کراچی کے شہری چاہتے کہ وہ جمہوری فضا میں سانس لیں ،نبیل گبول کا دو سال کے بعد ضمیر جاگ اٹھا ہے کراچی میں حکومت صرف کتابوں میں ہےجبکہ اصل حکومت سیکٹرانچارج کے پاس ہے ۔ انہوں نے عوام سے پوچھا کہ تئیس اپریل کو سیکٹر انچارج کی بالا دستی کا خاتمہ چاہتے یا نہیں ۔ سراج الحق نےایک بار پھر  الطاف حسین کو مخاطب کرتے ہوئے کہا کہ اب جی تھری کا نہیں بلکہ تھری جی کا زمانہ ہے۔ انہوں نے کہا کہ وزیر اعلی سے پوچھتا ہوں کہ اپ جاگ جائیں اور قوم کو بتائیں کہ کراچی میں کیا ہورہا ہے۔