آٓٹے کے مصنوعی بحران پر سندھ ہائیکورٹ بھی برہم
کراچی ( 92 نیوز ) ملک میں جاری آٹے کے مصنوعی بحران پر سندھ ہائیکورٹ بھی برہم ہو گئی ، کہا کہ آٓتے کا بحران ان افراد کی وجہ سے پیدا ہوا ہے جو لوٹ مار کے عادی ہیں ۔
سندھ کے مختلف اضلاع میں گندم چوری پر نیب تحقیقات کے کیس کی سماعت ہوئی ، دوران سماعت عدالت نے ملزم ہریش مل سے مکالمہ کرتے ہوئے پوچھا کہ کیا اب بھی پیٹ نہیں بھرا ، ایسے لوگ ہی بڑی شخصیات کی ایماء پر بحران کا فائدہ اٹھاتے ہیں ۔
نیب پراسیکیوٹر نے عدالت کو بتایا کہ سند ھ کے مختلف اضلاع سے گندم چوری کا ریفرنس دائر کر دیا ہے ، ملزموں نے گوداموں سے گندم چوری کر کے مارکیٹ میں فروخت کر دی تھی ، عدالت نے ملزمان کی درخواست ضمانتیں سکھر بینچ منتقل کردیں ۔
ملزمان میں انیس الرحمان، موہن لعل، ابراہیم تھیم اور دیگر شامل ہیں۔