آمدن سے زائد اثاثوں پر خواجہ آصف کو یکم اپریل کو نیب راولپنڈی میں پیش ہونے کی ہدایت

 اسلام آباد (92 نیوز) سابق وزیراعظم شاہدخاقان عباسی کے بعد لیگی رہنما خواجہ آصف کے خلاف بھی نیب کا گھیرا تنگ ہو گیا اور یکم اپریل کو اثاثہ جات کیس میں طلب کر لیا۔

 نیب ذرائع کے مطابق خواجہ آصف کو یکم اپریل کو اثاثہ جات کیس میں بلایا گیا ہے انھیں تمام ریکارڈ ہمراہ لانے کی ہدایت کی گئی ہے۔ نیب نے خواجہ آصف کے اکاؤنٹس کی تفصیلات بھی حاصل کر لیں۔

 یکم اپریل کو نیب میں پیشی کے دوران ان سے بیرون ملک جائیدادوں کے حوالے سے بھی پوچھ گچھ ہو گی۔ واضح رہے کہ اس سے قبل سابق وزیراعظم شاہد خاقان عباسی بھی نیب میں پیشی بھگت چکے ہیں۔