آغا سراج درانی کو 23 دسمبرتک عدالتی ریمانڈ پر جیل بھیج دیا گیا

کراچی (92 نیوز) کراچی کی احتساب عدالت نے آغا سراج درانی کو 23 دسمبرتک عدالتی ریمانڈ پرجیل بھیج دیا۔

دوران سماعت نیب پراسیکیوٹر نے کہا سپریم کورٹ نے آغا سراج درانی کی ضمانت مسترد کردی تھی، ریفرنس کی سماعت تک جیل بھیج دیں۔

آغا سراج درانی کے وکیل نے کہا کہ ہم نے خود نیب کو سرنڈر کیا ہے۔

واضح رہے کہ آغا سراج درانی کو 3 دسمبر کو سپریم کورٹ احاطہ سے نیب راولپنڈی نے حراست میں لے لیا تھا۔ سپریم کورٹ نے اسپیکر سندھ اسمبلی آغا سراج درانی کو نیب کے سامنے سرنڈر کرنے کا حکم دیدیا تھا۔