آصف زرداری کی نا اہلی کیلئے دائر درخواست کل سماعت کیلئے مقرر
اسلام آباد ( 92 نیوز ) اسلام آباد ہائیکورٹ میں آصف زرداری کی نا اہلی کیلئے دائر درخواست کل سماعت کیلئے مقرر کر دی گئی ۔
چیف جسٹس اسلام آباد ہائیکورٹ جسٹس اطہر من اللہ کل پاکستان تحریک انصاف کےرہنما عثمان ڈار ور خرم شیر زمان کی درخواست پر سماعت کریں گے ۔
عثمان ڈار اور خرم شیر زمان کی جانب سے آصف علی زرداری کے خلاف اثاثےچھپانے پر نا اہلی کی درخواستیں دائر کی گئی تھیں ۔
دوسری جانب جعلی اکاؤنٹس کیس میں فریال تالپور نےسپریم کورٹ کے فیصلے پر نظر ثانی کی درخواست دائر کر دی ۔
درخواست میں عدالت سے 7 جنوری کے فیصلے پر نظر ثانی کی استدعا کی گئی ہے۔