آسٹریلیا کے جنگلات میں لگی آگ بے قابو ہو گئی

کینبرا ( 92 نیوز) آسٹریلیا کے جنگلات میں لگی آگ بے قابو ہوگئی، ریاست وکٹوریا سے ہزاروں افراد کا انخلا  ہو گیا ۔ خبر ایجنسی کے مطابق ریاست وکٹوریا میں درجہ حرارت میں اضافے اور تیز ہواؤں نے آگ کی شدت بڑھا دی ہے، میلبورن شہر میں درجہ حرارت 40 سینٹی گریڈ تک پہنچ چکا ہے جب کہ حکام نے 30 ہزار سیاحوں کو مشرقی گپس لینڈ چھوڑنے کا کہہ دیا ہے۔ ریاست کے نو میں سے سات ڈسٹرکٹس میں آگ پھیلنے کا خدشہ ہے ، مغربی آسٹریلیا سے جنوبی آسٹریلیا اور تسمانیہ تک آگ کی وارننگ جاری کر دی گئی ہے۔