آسٹریلیا بمقابلہ نیوزی لینڈ ، تیسرے روز آسٹریلیا کے بغیر کسی نقصان کے 40 رنز

سڈنی( 92 نیوز)ٌ آسٹریلیا بمقابلہ نیوزی لینڈ تیسرے ٹیسٹ میچ کے تیسرے روز کے کھیل کے اختتام پر آسٹریلیا نے دوسری اننگز میں بغیر کسی نقصان کے 40 رنز بنا لئے ۔ نیوزی لینڈ نے بغیر کسی نقصان کے 63رنز  سے تیسرے روز کھیل کا آغاز کیا اور پوری  کیوی ٹیم 251رنز بنا کر آؤٹ ہو گئی، بلیک کیپس کی جانب سے  گلین فلپس 52اور ٹام لیتھم 49رنز بناکر نمایاں رہے۔ آسٹریلیا کی جانب سے نیتھن لیون نے  پانچ  اور پیٹ کمنز نے تین وکٹیں حاصل کیں۔ دن کے اختتام پر میزبان ٹیم نے بغیر کسی نقصان کے 40رنز بنا لیے ہیں،،ڈیوڈ وارنر23اور جو برنز 16رنز بنا کر کریزپر موجود ہیں، آسٹریلیا کو میچ میں 243رنز کی برتری حاصل ہو گئی ہے۔