آسٹریا کے یخ بستہ مقام پر رائز اینڈ فال ریس کا انعقاد
وینا ( 92 نیوز ) آسٹریا کے یخ بستہ مقام پر رائز اینڈ فال ریس کا انعقاد کیا گیا ۔ شرکا نے سکیئنگ، پیراگلائیڈنگ اور سائیکلنگ کا زبردست مظاہرہ کیا ۔ میزبان ملک کی ٹیم نے تینوں شعبوں میں بہترین کارکردگی دکھا کر کامیابی حاصل کر لی۔
ریس کے شرکا نے منفرد ریس کا آغاز ڈھلوان پر چڑھنے سے کیا ۔ اس کے بعد پیراگلائیڈنگ کا زبردست مظاہرہ دیکھنے کو ملا ۔ ایک مقام سے دوسرے مقام پر پہنچنے کے بعد ایتھلیٹس کا اگلا امتحان برف پوش ٹریک پر سائیکلنگ کا تھا ۔
سائیکلنگ کے بعد فائنل مرحلہ آیا جس میں شرکا نے سکیئنگ کر کے فِنش لائن عبور کرنے کیلئے خوب جان لگائی ۔
میزبان ملک کی ٹیم نے تمام شعبوں میں بہترین کارکردگی دکھاتے ہوئے فتح حاصل کی ۔