آرمی چیف کی شہداء مچھ کے لواحقین سے ملاقات، سانحہ پر دلی دکھ کا اظہار

کوئٹہ (92 نیوز) آرمی چیف جنرل قمر جاوید باجوہ نے سانحہ مچھ کے لواحقین سے ملاقات کی اور سانحہ پر دلی دکھ کا اظہار کیا ۔

ڈی جی آئی ایس پی آر کے مطابق آرمی چیف جنرل قمر جاوید باجوہ ایک رزہ دورہ پر کوئٹہ پہنچے جہاں انہوں نے  سانحہ مچھ کے شہداء کے لواحقین سے ملاقات کی ، آرمی چیف  کو کور ہیڈ کوارٹرز جنوبی کمانڈ میں تفسیلی بریفنگ بھی دی گئی ۔

ڈی جی آئی ایس پی آر کے مطابق آرمی چیف نے سانحہ مچھ کے لواحقین سے ملاقات کی،آرمی چیف نے ہزارہ برادری سے بھی ملاقات کی ۔اس موقع پر انہوں نے کہا کہ سانحہ مچھ میں ملوث عناصر کو کیفرکردار تک پہنچایا جائے گا،شہداء کا خون رائیگاں نہیں جائے گا۔

ڈی جی آئی ایس پی آر کے مطابق  آرمی چیف نے کہا کہ بلوچستان پاکستان کا مستقبل ہے،دشمن قوتوں کی پاکستان پر نظر ہے،پاکستانی فوج دشمن قوتوں کو کامیاب ہونے نہیں دے گی،لواحقین کو ہر صورت انصاف فراہم کریں گے۔

ڈی جی آئی ایس پی آر کے مطابق آرمی چیف کو کور ہیڈکوارٹرز جنوبی کمانڈ میں صوبے میں سلامتی کی صورتحال اور اقدامات سے آگاہ کیا گیا۔