آرمی چیف کی آئی ایس پی آر میں انٹرن شپ کرنے والے نوجوانوں سے ملاقات

 راولپنڈی (92 نیوز) آرمی چیف جنرل قمر جاوید باجوہ نے آئی ایس پی آر میں انٹرن شپ کرنے والے نوجوانوں سے ملاقات کی۔ ڈی جی آئی ایس پی آر کے مطابق آرمی چیف جنرل قمر جاوید باجوہ نے ملاقات میں نوجوانوں سے گفتگو کی۔ آرمی چیف نے کہا پاکستان ہونہار، باصلاحیت نوجوانوں سے مالا مال ہے۔ امید ہے نوجوان ملک کو ترقی و خوشحالی کی حقیقی منزل تک لیجانے میں اپنا اہم کردار ادا کریں گے۔ ڈی جی آئی ایس پی آر کے مطابق آرمی چیف نے نوجوانوں پر بھرپور اعتماد کا اظہار کیا۔ آرمی چیف جنرل قمر جاوید باجوہ نے کہا پاکستان کو گزشتہ دو سالوں میں کئی چیلنجز کا سامنا رہا۔ پاکستانی قوم اور مسلح افواج نے تمام چیلنجز کا کامیابی سے مقابلہ کیا۔ نوجوانوں نے تمام تر مشکل صورتحال میں ہراول دستے کا کردار ادا کیا۔ نوجوان خود اعتمادی، میرٹ پر یقین، قانون کا احترام کریں۔