آرمی چیف کا لاجسٹک تنصیبات کا دورہ، ڈھانچے کی بہتری،سہولیات کی ترقی پر بریفنگ لی

راولپنڈی (92 نیوز) آرمی چیف جنرل قمر جاوید باجوہ نے لاجسٹک تنصیبات کا دورہ کیا ۔ آرمی چیف کو تنصیبات کے موجودہ ڈھانچے کی بہتری، سہولیات کی ترقی پر بریفنگ دی گئی۔

آرمی چیف جنرل قمر جاوید باجوہ نے لاجسٹک تنصیبات کا دورہ کیا ، آئی ایس پی آر کے مطابق آرمی چیف کی آمد پر چیف آف لاجسٹک سٹاف لیفٹیننٹ جنرل اظہر صالح عباسی نے خیرمقدم کیا، پاک آرمی کے کوارٹر ماسٹر جنرل لیفٹیننٹ جنرل عامر عباسی بھی موجود تھے۔

آرمی چیف کو تنصیبات کے موجودہ ڈھانچے کی بہتری، سہولیات کی ترقی پر بریفنگ دی گئی، جنرل قمر جاوید باجوہ نے بہترین سہولیات اور خدمات کی موجودگی کو سراہا، مقامی سطح پر آلات کی تیاری، مرمت اور بہتری کی بھی تعریف کی۔

آرمی چیف نے آپریشنل مہارتوں میں وسعت کیلئے ون ونڈو آپریشن کے آغاز کو بھی سراہا۔