آرمی چیف کا سیالکوٹ گیریژن کا دورہ، ورکنگ باؤنڈری کی صورتحال ، آپریشنل تیاریوں پر بریفنگ لی
راولپنڈی (92 نیوز) آرمی چیف جنرل قمر جاوید باجوہ نے سیالکوٹ گیریژن کا دورہ کیا اور ورکنگ باؤنڈری کی صورتحال، آپریشنل تیاریوں پر بریفنگ لی ۔
آئی ایس پی آر کے مطابق آرمی چیف نے گیریژن افسران اور جوانوں سے بھی ملاقات کی، آرمی چیف نے سپاہ کے بلند حوصلے اور باکمال جذبے کو بھی سراہا۔
سپہ سالار نے افسران و جوانوں کی پیشہ وارانہ مہارتوں، عزم کو سراہا، آرمی چیف کی مادر وطن کو درپیش کثیرالجہتی خطرات کے موثر دفاع میں سپاہ کے کردار کی تعریف کی ۔
اس سے قبل آرمی چیف کی گیریژن آمد پر کور کمانڈر لیفٹیننٹ جنرل عاصم منیر نے استقبال کیا۔
