آرمی چیف کا بلاول بھٹو کو ٹیلی فون، کراچی کی صورتحال پر بات چیت

 راولپنڈی (92 نیوز) آرمی چیف نے بلاول بھٹو کو ٹیلی فون کیا اور کراچی کی صورتحال پر بات چیت کی۔ بلاول بھٹو نے فوری ایکشن پر آرمی چیف کا شکریہ ادا کیا اور کہا آرمی چیف کے شفاف انکوائری کرانے کے اعلان کو سراہتے ہیں۔ بلاول نے آرمی چیف سے کراچی واقعے پر نوٹس کا مطالبہ کیا تھا۔ بلاول بھٹو نے کہا اگر میری پولیس کی عزت نہیں ہو گی تو کام کیسے ہو گا؟ پولیس افسروں کی عزت کا سوال بن گیا، سب سوال کر رہے ہیں آئی جی کے گھر کا کس نے گھیراؤ کیا؟ مریم اور صفدر کے ساتھ جو ہوا انتہائی شرمناک ہے۔ سندھ حکومت اپنی پولیس کے ساتھ کھڑی ہے۔