آرمی چیف سے سعودی عرب اور متحدہ عرب امارات کے وزرائے خارجہ کی ملاقات
راولپنڈی ( 92 نیوز) آرمی چیف جنرل قمر جاوید باجوہ سے سعودی عرب اور متحدہ عرب امرات کے وزرائے خارجہ نے ملاقات کی ، ملاقات میں دو طرفہ تعلقات ، علاقائی سلامتی کی صورتحال سمیت باہمی دلچسپی کے امور پر گفتگو ہوئی ۔
آئی ایس پی آر کے مطابق ملاقات میں آرمی چیف نے کہا کہ پاکتان کو سعودیہ اور امارات کیساتھ خصوصی تذویراتی اور برادرانہ تعلقات پر فخر ہے ۔
آئی ایس پی آر کے مطابق سعودی اور اماراتی وزرائے خارجہ کا کہنا تھا کہ پاکستان علاقائی امن و استحکام میں کلیدی کردار کا حامل ہے ۔