آرمی چیف جنرل قمر جاوید باجوہ سے تاجکستان کے وزیر دفاع جنرل شیر علی مرزو کی ملاقات

راولپنڈی (92 نیوز) آرمی چیف جنرل قمر جاوید باجوہ سے تاجکستان کے وزیردفاع جنرل شیر علی مرزو نے ملاقات کی جس میں خطے کی سیکیورٹی صورتحال اور باہمی دلچسپی کے امور پر تبادلہ خیال کیا گیا۔

 آئی ایس پی آر کے مطابق تاجکستان کے وزیردفاع جنرل شیرعلی مرزو نے جی ایچ کیو کا دورہ کیا جہاں انہوں نے آرمی چیف جنرل قمر جاوید باجوہ سے ملاقات کی۔ دونوں ملکوں کے درمیان دفاعی تعاون بڑھانے پر بھی تبادلہ خیال کیا گیا۔

 جنرل شیر علی مرزو نے پاک فوج کی پیشہ وارانہ صلاحیتوں اورخطے میں امن واستحکام کےلیے کوششوں کو سراہا۔ آرمی چیف جنرل قمر جاوید باجوہ کا کہنا تھا کہ تاجکستان پاکستان کا دوست ملک ہے۔ پاکستان اور تاجکستان کا تعاون خطے میں امن واستحکام کےلیے مدد گار ہوسکتا ہے۔