آرمی چیف اور بل گیٹس کے درمیان ٹیلی فونک رابطہ، کورونا اور انسداد پولیو مہم پر گفتگو

راولپنڈی (92 نیوز) پاک فوج کے سربراہ جنرل قمر جاوید باجوہ اور مائیکروسافٹ و گیٹس فاؤنڈیشن کے سربراہ بل گیٹس کے درمیان ٹیلی فونک رابطہ ہوا، کورونا وباء اور انسداد پولیو مہم پر تبادلہ خیال کیا گیا۔ آرمی چیف جنرل قمر جاوید باجوہ کہتے ہیں پولیو سے پاک پاکستان کیلئے کاوشیں قومی فریضہ ہے۔ https://twitter.com/OfficialDGISPR/status/1294491591906861059?s=20 ڈی جی آئی ایس پی آر میجر جنرل بابر افتخار کے مطابق پاک فوج کے سربراہ جنرل قمر جاوید باجوہ اور مائیکروسافٹ و گیٹس فاؤنڈیشن کے سربراہ بل گیٹس کے درمیان ٹیلی فونک رابطہ ہوا۔ جس میں پاکستان کی کورونا وبا سے نمٹنے کے لیے حکمت عملی اور انسداد پولیو مہم پر تبادلہ خیال کیا گیا۔ بل گیٹس نے پاکستان بھر میں انسداد پولیو مہم کیلئے پاک فوج کے کامیاب اقدامات کی تعریف کی۔ https://twitter.com/OfficialDGISPR/status/1294491770647183360?s=20 بل گیٹس نے کہا کہ پاک فوج نے ہر جگہ انسدادِ پولیو مہم کی رسائی یقینی بنائی ہے۔ پاکستان میں بچوں کی صحت کی بہتری کے لیے تعاون جاری رکھیں گے۔ https://twitter.com/OfficialDGISPR/status/1294491712958668802?s=20 آرمی چیف جنرل قمر جاوید باجوہ نے کہا کہ پولیو سے پاک پاکستان کے لیے کاوشیں قومی فریضہ ہے، پولیو کے خاتمے کے لیے ورکرز ، موبائل ٹیمز اور قانون نافذ کرنے والے اداروں کا اہم کردار ہے۔ انہوں نے کہا کہ این سی او سی کے ذریعے پاک فوج کے تعاون سے کورونا پر قابو پایا گیا۔