آج موسم گرم اور خشک رہنے کا امکان
لاہور( ویب ڈیسک)محکمہ موسمیات کا کہنا ہے آج منگل کے روزملک کے بیشتر علاقوں میں موسم گرم اور خشک جبکہ پنجاب ، خیبرپختونخوا کے میدانی علاقوں اور سندھ میں شدید گرم رہے گا۔
گزشتہ روز بھی ملک کے بیشتر علاقوں میں موسم گرم اور خشک رہا تاہم مالاکنڈ ڈویژن ، کشمیر اور گلگت بلتستان میں بارش ہوئی، گرم ترین مقامات کے درجہ حرارت جیکب آباد 48، سبی،دادو، روہڑی ،سکھر46 ، تربت،حیدرآباد، موہنجوداڑو اور لاڑکانہ میں 45ڈگری ریکارڈ کیا گیا، لاہور میں پارہ 41 ڈگری تک گیا ۔