آج عوام کے محافظوں اور دشمنوں میں فرق جاننے کا دن ہے، فردوس عاشق
لاہور (92 نیوز) معاون خصوصی فردوس عاشق اعوان کا کہنا ہے کہ آج عوام کے محافظوں اور دشمنوں میں فرق جاننے کا دن ہے۔
حکومت کی جانب سے جلسے کیلئے کوئی رکاوٹ کھڑی نہیں کی گئی جس سے جھوٹوں کی راجکماری کا ایک اور جھوٹ بے نقاب ہوا۔ البتہ قانون کی خلاف ورزی پر ایکشن لیا جائیگا! بیروزگاروں کا ٹولہ اسطرح ایکسپوز ہوگا کہ 11جماعتوں پر مشتمل PDM کے سیاسی جنازے کو کوئی کندھا دینے کو تیار نا ہوگا!
اتوار کے روز ٹویٹ پیغام میں اُن کا کہنا تھا کہ ایک طرف حکومت شہریوں کو جان لیوا کورونا سے بچانے کیلئے مصروف عمل ہے، دوسری جانب پی ڈی ایم کا ڈنڈا بردار بھپرا ٹولہ جان بوجھ کر جلسے کی آڑ میں معصوم عوام کو کورونا کی دلدل میں دھکیلنے پر بضد ہے۔
انہوں نے کہا کہ حکومت کی جانب سے جلسے کیلئے کوئی رکاوٹ کھڑی نہیں کی گئی، جس سے جھوٹوں کی راجکماری کا ایک اور جھوٹ بے نقاب ہوا۔
فردوس عاشق بولیں کہ قانون کی خلاف ورزی پر ایکشن لیا جائیگا۔ بیروزگاروں کا ٹولہ اسی طرح بے نقاب ہوگا۔ 11 جماعتوں پر مشتمل پی ڈی ایم کے سیاسی جنازے کو کوئی کندھا دینے کو تیار نہ ہوگا۔
