آئی سی سی ورلڈ کپ ٹرافی کراچی پہنچ گئی
کراچی (92 نیوز) دنیا کی سیر کرتے کرتے آئی سی سی ورلڈ کپ ٹرافی کراچی پہنچ گئی۔ نیشنل اسٹیڈیم میں تقریب رونمائی ہوئی ۔ سابق کپتان معین خان نے ٹرافی اٹھا کر سب کو دیکھائی۔
صحافیوں سے گفتگو کرتے ہوئے معین خان نے امید ظاہر کی کہ قومی کرکٹ ٹیم یہ ٹرافی جیتے گی۔
سابق کپتان کا کہنا تھا کہ پاکستان کرکٹ ٹیم ورلڈ کپ جیتنے کی صلاحیت رکھتی ہے۔ موجودہ ٹیم کو ہی ورلڈ کپ اسکواڈ میں رکھنا چاہیے تاکہ ان کے اعتماد میں اضافہ ہو۔ انہوں نے یہ بھی کہا کہ سرفراز احمد کو ورلڈ کپ تک کپتان ہونا چاہے۔
ورلڈ کپ ٹرافی کو موہاٹا پیلس بھی لے جایا گیا۔ یہ ٹرافی کل بھی کراچی میں رہے گی۔ ورلڈ کپ ٹرافی کی اگلی منزل بنگلہ دیش ہے۔
