آئی جی صاحب،افضل کھوکھرکوسمجھادیں پاکستان میں بدمعاشی نہیں چلےگی،چیف جسٹس

لاہور( 92 نیوز) پاکستان مسلم لیگ ن کے ایم این اے افضل کھوکھر  کی جانب سے بیٹے کو تشدد کا نشانہ بنانے پر شہری سپریم کورٹ پہنچ گیا ۔ شہری کی جانب سے  سپریم کورٹ میں  موقف اختیار کیا گیاکہ افضل کھوکھر نے  برہنہ کر کے تشدد کیا اور ویڈیو بنا کر  سوشل میڈیا پر اپ  لوڈ کر دی ۔ لاہور رجسٹری میں کیس کی سماعت کے دوران چیف جسٹس پاکستان جسٹس ثاقب نثار نے آئی جی پنجاب سے مخاطب ہوتے ہوئے ریمارکس دیئے کہ  آئی جی صاحب ، ایم این اے کو اپنی زبان میں سمجھادیں،پاکستان میں کسی کی بدمعاشی نہیں چلے گی،الزام ثابت ہوا تو کارروائی بھی ہوگی۔