آئندہ ہفتے ٹائیگر فورس پنجاب اور خیبرپختونخوا میں کام شروع کر دے گی، عثمان ڈار

اسلام آباد (92 نیوز) معاون خصوصی امور نوجوانان عثمان ڈار کہتے ہیں کہ آئندہ ہفتے ٹائیگر فورس پنجاب اور خیبرپختونخوا میں کام شروع کر دے گی۔ عثمان ڈار نے اسلام آباد میں پریس کانفرنس کر تے ہوئے کہا کہ وزیراعظم اگلے ہفتے ٹائیگر فورس کے نوجوانوں سے خطاب کریں گے۔ ٹائیگر فورس کے نوجوانوں کو حفاظتی سامان فراہم کریں گے۔ انہوں نے مزید کہا کہ ٹائیگرفورس کے نوجوان مساجد میں ایس او پیز کے معاملات دیکھیں گے۔ ٹائیگر فورس یوٹیلٹی اسٹورز پرسماجی فاصلہ یقینی بنانے کیلئے کردارادا کرے گی۔ ٹائیگر فورس مختلف اداروں کو معاونت فراہم کرے گی۔