آئندہ عام انتخابات میں دمادم مست قلندر ہو گا، منظوروسان کا نیا خواب

کراچی (92نیوز) وزیر صنعت و تجار ت سندھ منظور وسان نے ایک اور خواب دیکھ لیا۔ کہتے ہیں دوہزار اٹھارہ کے عام انتخابات مقررہ وقت سے پہلے ہوں گے۔ عمران خان رائے ونڈ جانے کے بجائے عام انتخابات کی تیاری کریں۔ تفصیلات کے مطابق بانی پاکستان قائداعظم محمد علی جناح کی برسی پر مزار قائد میں تقریب میں شرکت کے موقع پر صوبائی وزیر منظور وسان نے کہا کہ ایم کیوایم کے کئی رہنما پیپلز پارٹی میں شمولیت کا سوچ رہے ہیں۔ فاروق ستار کا فون دن میں بند رہتا ہے لیکن رات میں لندن سے رابطے میں رہتا ہے۔ نیا خواب دیکھنے کے بعد کہتے ہیں کہ عام انتخابات مقررہ وقت سے پہلے ہوں گے۔ الیکشن میں دما دم مست قلندر ہوگا۔