آئل ٹینکرز اونرزایسوسی ایشن ہڑتال کے معاملے پر تقسیم
کراچی ( 92 نیوز) آئل ٹینکرز اونرز ایسوسی ایشن دو دھڑوں میں تقسیم ہوگئی ، چیئرمین نے کل سے ہڑتال کی دھمکی دی ہے، جبکہ ایسوسی ایشن کے صدر نے کسی قسم کی ہڑتال نہ کرنے کا اعلان کیا ہے ۔
آئل ٹینکرز اونرایسوسی ایشن 2 دھڑوں میں تقسیم ہو گئی ، چیئرمین نے ہڑتال کی دھمکی دے دی ۔لیکن ایسوسی ایشن کے صدر نے دو ٹوک انکار کردیا ۔
آئل ٹینکرز کی اچانک پکڑ دھکڑ کا بہانہ بناکر چیئرمین شمس شہوانی نے اتوار سے ہڑتال کی دھمکی دے دی جبکہ دوسری جانب ایسوسی ایشن کے چیئرمین حاجی اکرم اور جنرل سیکریٹری حاجی حنیف کاکڑ نے ہڑتال سے مکمل
لاتعلقی ظاہر کردی ۔
چیئرمین کی جانب سے ہڑتال کی دھمکی کے باوجود آئل ٹرمینل پر کسی قسم کی ہڑتال کا امکان نظر نہیں آیا اور سپلائی معمول کے مطابق جاری رہی ۔
