یوکرین سے گیارہ سو اکتیس پاکستانی طلبہ اور شہریوں کو نکال لیا گیا، نویل کھوکھر
کیف (92 نیوز) - پاکستانی سفیر نویل کھوکھر کا کہنا ہے یوکرین سے گیارہ سو اکتیس پاکستانی طلبہ اور شہریوں کو نکال لیا گیا۔
میجر جنرل ر نویل کھوکھر نے نائنٹی ٹو نیوز سے خصوصی گفتگو میں کہا ابھی تک 1131 پاکستانی طلبا اور شہریوں کو یوکرین سے بحفاظت نکال چکے ہیں ۔ نکالے جانے والے پاکستانی طلبا اور شہریوں کو ہمسایہ ممالک میں منتقل کر چکے ہیں۔ ابھی بھی چند طلبا اور شہری ٹرین میں ہیں ۔ امید ہے آئندہ ایک یا دو دن میں نوے سے پچانوے فیصد شہریوں کا انخلا کامیابی سے مکمل کر لیا جائے گا۔
پاکستانی سفیر میجر جنرل ر نویل کھوکھر نے کہا پاکستانی طلبا کے ساتھ ان کے دوست مختلف ممالک کے طلبا بھی آ رہے ہیں ۔ ان کو بھی ہم بلا تفریق وہی سہولیات مہیا کر ہے ہیں جو اپنے طلبا کو دے رہے ہیں ۔