یوکرین کے شہر کھیرسن میں روسی گولہ باری سے دو افراد ہلاک

کیف (92 نیوز) - یوکرین کے شہر کھیرسن میں روسی گولہ باری سے دو افراد ہلاک ہو گئے۔

 روسی گولہ باری کے باعث بجلی کی تنصیبات تباہ ہو گئیں۔ یوکرینی حکام کے مطابق روسی گولہ باری سے شہر مکمل طور پر بجلی سے محروم ہے۔

یوکرینی جنرل اولیکسی گروموف کا کہنا ہے روس یوکرین میں ایک طویل جنگ کی کوشش کر رہا ہے۔ روس بیلا رس کی سرزمین پر نئے فوجیوں کو تربیت دے رہا ہے۔ روسی فیڈریشن کا حتمی مقصد پورے یوکرین کو فتح کرنا ہے۔