وزیراعظم شہباز شریف لندن سے متحدہ عرب امارات پہنچ گئے
ابوظہبی (92 نیوز) - وزیراعظم شہباز شریف لندن سے متحدہ عرب امارات پہنچ گئے۔
وزیراعظم لندن کا دورہ مکمل کرنے کے بعد یو اے ای پہنچے ہیں، وزیراعظم شہباز شریف یو اے ای کے صدر شیخ خلیفہ بن زید النہیان کے انتقال پر تعزیت کریں گے۔
اس سے قبل وزیراعظم شہبازشریف نے متحدہ عرب امارات کے نئے منتخب صدرشیخ محمدبن زیدالنہیان کو سوشل میڈیا پر مبارکباد دی۔
ایک ٹوئیٹ میں انہوں نے کہا کہ کثیرالجہتی شراکت داری کومزید مستحکم کرنے کیلئے متحدہ عرب امارات کے نئے صدر کے ساتھ مل کر کام کرنے کے خواہاں ہیں۔ انہوں نے کہا کہ پاکستان اور متحدہ عرب امارات کے برادرانہ تعلقات نئی بلندیوں کو چھوئیں گے۔
Heartiest congratulations to my brother @MohamedBinZayed on his election as new President of UAE. I extend best wishes to him and look forward to working together to further strengthen our multifaceted partnership. Pakistan-UAE fraternal ties are destined to scale new heights, IA
— Shehbaz Sharif (@CMShehbaz) May 14, 2022
