وزیراعظم نے پھر اپنا موقف پیش کیا کہ طاقت کا استعمال کسی بھی تنازعہ کا حل نہیں، فرخ حبیب
اسلام آباد (92 نیوز) وزیر مملکت اطلاعات و نشریات فرخ حبیب کا کہنا ہے وزیراعظم عمران خان نے ایک دفعہ پھر ماسکو میں اپنے اصولی موقف کو دنیا کے سامنے پیش کر دیا کہ طاقت کا استعمال کسی بھی تنازعہ کا حل نہیں۔
فرخ حبیب نے اپنے ٹویٹ پیغام میں کہا وزیراعظم عمران خان کا دورہ روس اس بات کا ثبوت ہے کہ پاکستان علاقائی امن وسلامتی اور اقتصادی ترقی کیلئے تنازعات کے بجائے پائیدار امن کے لیے کوشاں ہے۔ اپنے قومی مفادات کو مقدم رکھتے ہوئے سفارتی سطح پر ہمیں اپنی پوزیشن مستحکم کرنے میں مدد بھی ملی ہے۔
وزیراعظم عمران خان کے دورے کی ٹائمنگ پر سوالات اٹھانے والوں کو جان لینا چاہیے کہ وزیراعظم بڑے میچ کے بڑے کھلاڑی ہیں۔مسئلہ کشمیر سے لیکر افغانستان اور توانائی کے شعبہ میں تعاون،دوطرفہ تعلقات ،اسلاموفوبیا پر بات ہوئی
— Farrukh Habib (@FarrukhHabibISF) February 24, 2022
عمران خان نہ کبھی جھکے گا،نہ پاکستانیوں کو جھکنے دیگا انشاء اللہ
انہوں نے کہا مسئلہ کشمیر سے لیکر افغانستان اور توانائی کے شعبہ میں تعاون، دوطرفہ تعلقات ،اسلاموفوبیا پر بات ہوئی۔ روس اور یوکرین کو مذاکرات سے مسئلہ حل کرنا چاہیے۔