وزیراعظم عمران خان ایک روزہ دورہ پر نوشکی پہنچ گئے
کوئٹہ (92 نیوز) وزیراعظم عمران خان ایک روزہ دورہ پر نوشکی پہنچ گئے۔
گورنر بلوچستان سید ظہور آغا اور وزیراعلیٰ میر عبدالقدوس بزنجو نے نوشکی میں استقبال کیا۔ وزیراعظم کے ہمراہ وفاقی وزراء موجود ہیں۔ آرمی چیف جنرل قمر جاوید نوشکی میں ہی موجود ہیں۔
آج کابینہ کا اجلاس منسوخ کردیاگیا ہے، وزیراعظم اور آرمی چیف آج کا دن بلوچستان میں سیکیورٹی فورسز کے جوانوں کے ساتھ گزاریں گے،جوان جن کے عزم پہاڑوں سے بلند اور جذبوں میں سمندروں سے زیادہ وسعت ہے ہمارا فخر بھی ہیں اور ہمارا مان بھی، پاکستان کے یہ بیٹے مادر وطن کیلئےسربکف ہیں
— Ch Fawad Hussain (@fawadchaudhry) February 8, 2022
وزیراطلاعات فواد چودھری کا کہنا ہے وزیراعظم عمران خان اور آرمی چیف جنرل قمر جاوید باجوہ آج کا دن بلوچستان میں فوجی جوانوں کے ساتھ گزاریں گے، پاکستان کے یہ بیٹے مادر وطن کیلئے سربکف ہیں۔ انہوں نے مزید کہا کہ آج ہونے والا کابینہ کا اجلاس ملتوی کردیا گیا۔