وزیراعلیٰ عثمان بزدار نے وزیراعظم کو اپنا استعفیٰ پیش کردیا

لاہور (92 نیوز) - وزیراعلیٰ پنجاب عثمان بزدار نے وزیراعظم عمران خان کو اپنا استعفیٰ پیش کردیا۔

سینیٹر فیصل جاوید نے 92 نیوز سے گفتگو میں کہا کہ عثمان بزدار نے استعفیٰ دے دیا ہے، ان کیلئے عمران خان اہم ہے منصب نہیں۔ کہا کہ پرویزالہٰی نے وزیراعظم کی حمایت کا اعلان کیا ہے، وزیراعظم نے چودھری پرویزالہٰی کو وزیراعلیٰ پنجاب نامزد کرنے کا فیصلہ کرلیا ہے۔

اُنہوں نے کہا کہ باقی اتحادیوں کی طرف سے بھی اچھی خبریں آنے ہی والی ہیں، ایم کیو ایم پاکستان بھی جلد اپنا فیصلہ کرلے گی۔ جب وقت آئے گا تو اتحادی ہمارے ساتھ دیں گے۔