وزیراعلیٰ پنجاب کے حلف لیتے ہی اکھاڑ پچھاڑ شروع
لاہور (92 نیوز) - وزیراعلیٰ پنجاب کے حلف لیتے ہی اکھاڑپچھاڑ شروع ہو گئی۔
سی سی پی او لاہور بلال صدیق کمیانہ کو پنجاب سے ریلیو کر دیا گیا۔ ڈی جی اینٹی کرپشن رانا عبدالجبار کو بھی پنجاب سے ریلیو کر دیا گیا۔ دونوں پولیس افسران کو آئی بی رپورٹ کرنے کی ہدایت کی گئی ہے۔
ڈی پی او جھنگ سردار غیاث گل کو بھی پنجاب سے ریلیو کردیا گیا ۔ ذرائع کے مطابق بلال صدیق کمیانہ اور ڈی پی جھنگ پر پی ٹی آئی کی جانب سے الیکشن میں تحفظات کا اظہار کیا گیا تھا۔ ڈی جی اینٹی کرپشن کو بھی عثمان بزدار کے خلاف کارروائی پر تبدیل کیا گیا۔
ادھر ایڈووکیٹ جنرل پنجاب شہزاد شوکت مستعفی ہو گئے۔ شہزاد شوکت نے اپنا استعفیٰ گورنر پنجاب کو بھجوا دیا۔