وزیرخزانہ اسحاق ڈار نے بلوم برگ کے ڈیفالٹ سے متعلق اعدادوشمار ٹویٹ کردیئے
اسلام آباد (92 نیوز) - وزیرخزانہ اسحاق ڈار نے بلوم برگ کے ڈیفالٹ سے متعلق اعدادوشمار ٹویٹ کردیئے۔
#Bloomberg pitches Pakistan’s one year probability of default at a low of 10% as opposed to a highly dubious number of 93% circulated by an unscrupulous local political leader a few days ago.
Pakistan will inshaAllah continue to honor its all financial commitments on time! pic.twitter.com/XPbAH7unEh
وزیرخزانہ اسحاق ڈار کہتے ہیں بلوم برگ نے ایک سال میں پاکستان کے ڈیفالٹ کے امکانات دس فیصد بتائے ہیں۔ بے ایمان سیاسی رہنما کی جانب سے چند دن قبل ڈیفالٹ کے امکانات ترانوے فیصد بتائے جارہے تھے، پاکستان وقت پر اپنے تمام مالیاتی وعدوں کی پاسداری جاری رکھے گا۔
اس سے قبل جمعہ کو وزیر خزانہ محمد اسحاق ڈار سے چین کے سفیر نونگ رونگ نے فنانس ڈویژن میں ملاقات کی۔
انہوں نے دونوں ممالک کے درمیان اقتصادی اور مالیاتی شعبوں میں دوطرفہ تعلقات کو بڑھانے پر تبادلہ خیال کیا۔ اس بات پر روشنی ڈالی گئی کہ دونوں ممالک کے درمیان مختلف اقتصادی شعبوں میں تاریخی اور مضبوط دوطرفہ تعلقات ہیں۔
وزیر نے سفیر کا پرتپاک خیرمقدم کیا اور پاکستان اور چین کے درمیان گہرے اور برادرانہ تعلقات کا اظہار کیا۔