وزیراعظم سے امیر مقام کی ملاقات، خیبر پختونخوا میں عوامی رابطہ مہم تیز کرنیکی ہدایت
لاہور (92 نیوز) - لاہور میں وزیراعظم محمد شہباز شریف سے مشیر امیر مقام نے ملاقات کی۔
اس موقع پر مشیر امیر مقام نے وزیراعظم شہباز شریف کو خیبر پختونخوا کی سیاسی صورتحال پر بریفننگ دی۔
وزیراعظم نے ہدایت کی کہ خیبر پختونخوا میں عوامی رابطہ مہم کو تیز کیا جائے، رابطوں کو مؤثر بنانے کے لیے ڈیجیٹل ٹیکنالوجی کا استعمال کیا جائے۔
انہوں نے صوبے میں مسلم لیگ (ن) کو نچلی سطح پر مضبوط بنانے کے لیے امیر مقام کے اقدامات کو بھی سراہا۔
