وزیراعظم نے الیکشن کمیشن فیصلہ کو عمران خان کیخلاف چارج شیٹ قرار دیدیا
اسلام آباد (92 نیوز) - وزیراعظم شہباز شریف نے الیکشن کمیشن کے فیصلے کو عمران خان کے خلاف چارج شیٹ قرار دے دیا۔
پی ٹی آئی فارن فنڈنگ کیس میں الیکشن کمشن کا فیصلہ عمران خان پر فرد جرم ہے کہ انہوں نے جھوٹے بیان حلفی جمع کرائے اور غیرقانونی غیرملکی فنڈنگ وصول کرکے آئین پاکستان کی خلاف ورزی کی ۔ وہ ایک بار پھر جھوٹے ترین شخص ثابت ہوئے ہیں ۔ قوم کو غیرملکی فنڈنگ کے سیاسی اثرات پر غور کرنا چاہئے
وزیراعظم نے ٹویٹ میں لکھا کہ عمران خان نے آئین کی خلاف ورزی کی، عمران خان نے جھوٹے بیان حلفی جمع کرائے۔ عمران خان نے بیرون ملک سے ہونے والی فنڈنگ کو بھی مانا، ثابت ہوتا ہے عمران خان ایک سند یافتہ جھوٹے ہیں۔