وزیراعلیٰ عثمان بزدار کا آفت زدہ مری کلیئر ہونے کا دعویٰ
لاہور (92 نیوز) وزیراعلیٰ پنجاب سردار عثمان بزدار کہتے ہیں کہ آفت زدہ مری کلیئر ہوگیا، تمام فیملیز کوریسٹ ہاؤسز اور ہوٹلوں میں پہنچا دیا گیا۔
ایکسپریس وے مکمل طور پر کلئیر ہے، پرانا جی ٹی روڈ پر بھی ٹریفک سست روی سے رواں ہے اور کلڈنہ سے باڑیاں تک روڈ سے برف اور درخت ہٹانے کا کام جاری ہے
راولپنڈی ڈویژن کی تمام انتظامیہ ریسکیو آپریشن میں موجود ہے
وزیراعلیٰ پنجاب نے ٹویٹ میں دعویٰ کیا کہ سیاحوں کی ادویات، خوراک سمیت ضروریات پوری کی جا رہی ہیں۔ کل رات تک مری میں33 ہزار745 گاڑیاں تھیں، اب تک 33 ہزار 373 گاڑیوں کا انخلا ہوچکا ہے۔
انہوں نے مزید لکھا کہ ایکسپریس وے کلیئر ہے، پرانا جی ٹی روڈ پر ٹریفک سست روی سے رواں ہے، کلڈنہ سے باڑیاں تک برف اور درخت ہٹانے کا کام جاری ہے۔ راولپنڈی ڈویژن کی تمام انتظامیہ ریسکیو آپریشن میں موجود ہے۔