وزیراعلی چودھری پرویزالہی کی ڈجکوٹ کو تحصیل کا درجہ دینے کا جائزہ لینے کی یقین دہانی

لاہور (92 نیوز) - وزیراعلی پنجاب چودھری پرویزالہی نے ڈجکوٹ کو تحصیل کا درجہ دینے کا جائزہ لینے کی یقین دہانی کرا دی۔

فیصل آباد کے ارکان صوبائی اسمبلی ملک عمر فاروق اور میاں وارث عزیز نے وزیراعلی پنجاب سے ملاقات کی۔ ارکان اسمبلی نے اپنے حلقوں میں جاری ترقیاتی پراجیکٹس سے آگاہ کیا۔ ملک عمر فاروق نے ڈجکوٹ کو تحصیل کا درجہ دینے کی درخواست کی۔

چودھری پرویزالہی نے کہا کہ عوام کی سہولت کیلئے صوبے میں نئے اضلاع اور تحصیلیں بنائی ہیں۔ نئے اضلاع اور تحصیلیں بننے سے عوام کو حقیقی ریلیف ملے گا اور مسائل لوگوں کی دہلیز پر حل ہوں گے۔ فیصل آباد انسٹی ٹیوٹ آف کارڈیالوجی کو اپ گریڈ کریں گے۔

 ملک عمر فاروق نے وزیراعلی چودھری پرویزالہٰی کو ڈجکوٹ میں بابا گرونانک انٹرنیشنل کبڈی ٹورنامنٹ سے آگاہ کیا۔