وزیر اعظم شہباز شریف کی صدر یو اے ای شیخ محمد بن زاید النہیان کو 51 ویں قومی دن پر مبارکباد
اسلام آباد (92 نیوز) - وزیراعظم شہباز شریف کا یو اے ای کے صدر شیخ محمد بن زاید النہیان سے ٹیلیفونک رابطہ ہوا۔
وزیر اعظم آفس کے اعلامیہ کے مطابق وزیراعظم شہباز شریف نے یو اے ای کے صدر شیخ محمد بن زاید النہیان کو 51 ویں قومی دن پر مبارکباد دی اور دو طرفہ اور باہمی تعلقات پر تبادلہ خیال کیا۔
یو اے ای کے صدر نے وزیراعظم کی طرف سے دورہ پاکستان کی دعوت قبول کرلی۔ انہوں نے وزیراعظم شہباز شریف اور پاکستانی عوام کے لیے نیک خواہشات کا اظہار کیا۔
اس موقع پر وزیراعظم شہباز شریف نے حالیہ سیلاب میں یو اے ای کی امداد اور تعاون پر شکریہ ادا کیا۔
