ٹیکنوکریٹ حکومت سیاسی کشیدگی کم نہیں کراسکے گی، الیکشن ہی واحد حل، شیخ رشید

راولپنڈی (92 نیوز) - سربراہ عوامی مسلم لیگ شیخ رشید کا کہنا ہے کہ دو سالہ ٹیکنوکریٹ حکومت سیاسی کشیدگی کم نہیں کراسکے گی، الیکشن ہی واحد حل ہے۔

جمعرات کو اپنے ٹویٹ پیغام میں انہوں نے کہا کہ جو بلدیاتی انتخاب نہیں کروا رہے وہ جنرل الیکشن خاک کروائیں گے۔ سیاسی استحکام ہوگا تو معاشی ماہرین نتائج دے سکیں گے۔ سیاسی عدم استحکام میں سارے معاشی ارسطو ناکام ہوجائیں گے۔ نوماہ سے پی ڈی ایم بھیک مانگ رہی ہے، انہیں کوئی خیرات نہیں دے رہا۔ نہ انہیں پاکستان میں عزت مل رہی ہے نہ باہرسےعزت اور امداد مل رہی ہے۔

سیاسی استحکام ہوگا تو معاشی ماہرین نتائج دے سکیں گے سیاسی عدم استحکام میں سارےمعاشی ارسطوناکام ہوجائیں گےجو بلدیاتی انتخاب نہیں کروارہےوہ جنرل الیکشن خاک کروائیں گےکارخانےبندہورہےہیں ڈالرکاحوالہ ریٹ270روپےہوگیا2سالہ ٹیکنوکریٹ حکومت سیاسی کشیدگی کم نہ کراسکےگی الیکشن ہی واحدحل ہے

— Sheikh Rashid Ahmed (@ShkhRasheed) December 29, 2022

نئے سال کے پہلے تین مہینوں میں آٹھ اعشاریہ تین ارب ڈالر کی ادائیگیاں کرنی ہیں، وزیراعظم کوڈیفالٹ کا مطلب نہیں معلوم توغریب کے گھر جا کر دیکھیں، معاشی، سیاسی، اقتصادی اور دہشتگردی ہی اصل مسئلہ ہے۔