ترکیہ میں کوئلے کی کان میں دھماکہ، 22 افراد ہلاک، 30 زخمی

استنبول (92 نیوز) - ترکیہ میں کوئلے کی کان میں دھماکے کے نتیجے میں 22 افراد ہلاک اور30 زخمی ہوگئے۔

ساحلی صوبے بارٹن کے قصبے اماسرا کی کان میں دھماکہ ہوا، ترکیہ کی وزارت داخلہ کے مطابق 50 افراد زیر زمین ہائی رسک ایریا میں دبے ہوئے ہیں، کان میں 110 افراد کام کررہے تھے، کا ن میں دھماکہ گیس کے اخراج کی وجہ سے ہوا۔

وزیر صحت فرحتین کوکا نے کہا، لیکن یہ واضح نہیں ہے کہ دھماکے کی وجہ سے کتنے لوگ ابھی تک پھنسے ہوئے ہیں کیونکہ 110 افراد کام کر رہے تھے۔

وزیر صحت نے ٹویٹر پر ایک بیان میں کہا کہ سترہ دیگر افراد کا علاج ہو رہا ہے۔

وزیر توانائی فاتح ڈونمز نے کہا کہ ابتدائی اشارے یہ ہیں کہ دھماکہ فائر ڈیمپ کی وجہ سے ہوا، یہ اصطلاح کوئلے کی کانوں میں میتھین کے حوالے سے ہے۔

ڈونمیز نے کہا کہ کان کے اندر کوئی مسلسل آگ نہیں ہے اور اندر کا وینٹیلیشن ٹھیک طرح سے کام کر رہا ہے، انہوں نے مزید کہا کہ کان کے اندر جزوی طور پر گرنے کے واقعات تھے۔

بارٹن کے گورنر کے دفتر نے بتایا کہ دھماکہ کان کے داخلی دروازے سے 300 میٹر نیچے ہوا۔ اس کان کا تعلق سرکاری ملکیتی ترک ہارڈ کول انٹرپرائزز سے ہے۔

بارٹن کے پراسیکیوٹر کے دفتر نے کہا کہ اس نے دھماکے کی وجوہات کی تحقیقات شروع کر دی ہیں۔

صدر طیب اردگان نے کہا کہ وہ ہفتے کو بارتین جائیں گے۔ انہوں نے ٹویٹر پر کہا کہ ہماری امید ہے کہ جانی نقصان مزید نہیں بڑھے گا، ہمارے کان کنوں کو بحفاظت بچا لیا جائے گا اور ہماری تمام کوششیں اسی سمت میں ہیں۔