سید انور محمود کی اہلیہ نیئر محمود کی نماز جنازہ ادا کر دی گئی

اسلام آباد ( 92 نیوز) سابق سیکرٹری اطلاعات و نشریات اور 92 نیوز کے گروپ ایڈوائزر سید انور محمود کی اہلیہ نیئر محمود کی نماز جنازہ ایچ ایٹ قبرستان میں ادا کر دی گئی ۔

مرحومہ نیئر محمود مختصر علالت کے بعد قضائے الٰہی سے وفات پا گئی تھیں ،  نماز جنازہ میں  چیئرمین 92 نیوز میڈیا گروپ میاں حنیف،ایڈیٹر اسلام آباد راؤ خالد محمود ، بیورو چیف اسلام آباد سہیل اقبال بھٹی، چیئرمین  پیمرا  محمدسلیم سمیت وزارت اطلاعات و نشریات، وفاقی  شعبہ تعلقات عامہ کے افسران سمیت میڈیا سےتعلق  رکھنے والے افراد اور معروف سماجی شخصیات نے شرکت کی۔