توشہ خانہ کیس میں چیئرمین پی ٹی آئی کو سزا سنانے والے جج کو او ایس ڈی بنا دیا گیا

اسلام آباد (92 نیوز) - توشہ خانہ کیس کا فیصلہ دینے والے جج ہمایوں دلاور کو او ایس ڈی بنا دیا گیا۔ اسلام آباد ہائیکورٹ نے نوٹیفکیشن جاری کر دیا گیا۔

ایڈیشنل سیشن جج ہمایوں دلاور کو اسلام آباد ہائی کورٹ رپورٹ کرنے کی ہدایت کردی گئی۔

جج ہمایوں دلاور نے 5 اگست کو چیئرمین پی ٹی آئی کے خلاف فیصلہ دیا تھا۔ چیئرمین پی ٹی آئی کی جانب سے جج ہمایوں دلاور کے خلاف آواز اٹھائی جا رہی تھی۔