تمام سیاسی قوتیں ملک دشمن عناصر کیخلاف متحد ہوجائیں، وزیراعظم شہباز شریف

اسلام آباد (92 نیوز) - وزیر اعظم شہباز شریف نے سیاسی قوتوں کو پیغام دیا ہے کہ ملک دشمن عناصر کیخلاف متحد ہوجائیں۔

دہشت گرد بہیمانہ کارروائیوں کے ذریعے عوام میں خوف وہراس پھیلانا اور دہشت گردی و انتہا پسندی کے خلاف عظیم قربانیوں سے حاصل ہونے والی ہماری کامیابیاں رائیگاں کرنا چاہتے ہیں۔ تمام سیاسی قوتوں کو میرا پیغام ہے کہ پاکستان دشمنوں کے خلاف متحد ہوں۔ ہم اپنے سیاسی جھگڑے بعد میں لڑلیں گے۔

— Shehbaz Sharif (@CMShehbaz) January 31, 2023

منگل کے روز اپنے ٹویٹ پیغام میں کہا کہ انتہاء پسند ہماری کامیابیوں کو ناکام بنانا چاہتے ہیں۔ ہم اپنی سیاسی لڑائی بعد میں لڑلیں گے، دہشت گرد گھناؤنے ہتھکنڈوں سے خوف وہراس پھیلانا چاہتے ہیں۔