تحریک انصاف کا صدر کے ٹویٹ کی روشنی میں سپریم کورٹ سے رجوع کرنیکا فیصلہ
لاہور (92 نیوز) - تحریک انصاف نے صدر کے ٹویٹ پر فوری سپریم کورٹ جانے کا فیصلہ کرلیا۔ قومی و عدالتی سطح پر صدرِمملکت کے مؤقف کی بھرپور تائید و حمایت کا بھی اعلان کردیا۔
ترجمان تحریک انصاف کا کہنا ہے کہ چیف جسٹس سے معاملے کی ہر پہلو سے تحقیقات کے ذریعے ذمہ داروں کے تعیّن اور محاسبے کی استدعا کریں گے۔
ترجمان کا کہنا ہے صدر مملکت کا ٹویٹ ہر لحاظ سے غیرمعمولی، تشویشناک اور ناقابل تصور ہے، ٹویٹ نے ریاستی نظم میں پھیلے مہلک ترین انفیکشن کو قوم کے سامنے بے نقاب کیا ہے، ٹویٹ کے مفصل جائزے کے بعد ردعمل قوم کے سامنے رکھیں گے۔
