تحریک انصاف کو سیلاب متاثرین، بڑھتی دہشتگردی سے کوئی سروکار نہیں، شیری رحمٰن
اسلام آباد (92 نیوز) - وفاقی وزیر برائے موسمیاتی تبدیلی شیری رحمٰن کہتی ہیں تحریک انصاف کو سیلاب متاثرین اور بڑھتی ہوئی دہشت گردی سے کوئی سروکار نہیں۔
جمعہ کو اپنے ٹویٹ میں لکھا کہ ملک میں ابھی بھی 2 کروڑ سیلاب زدگان کو فوری امداد کی ضرورت ہے۔ پی ٹی آئی سندھ اور بلوچستان کے کروڑوں سیلاب متاثرین کو پیغام دے رہی کہ آپ نہیں عمران خان کی سیاست اہم ہے۔
تمام منصوبے ناکام ہونے کے بعد "پاکستان تحریک احتجاج" ایک بار پھر مظاہرے کرنے جا رہی ہے۔ ان کی ترجیح صرف سیاست میں متعلقہ رہنا اور ہیڈ لائینز بنانا ہے۔ 2 شورٹ مارچ، استعفوں اور اسمبلیاں تحلیل کرنے کی دھمکی میں ناکامی کے بعد ان کے پاس احتجاج کے علاوہ کوئی آپشن نہیں بچا۔ 2/3
— SenatorSherryRehman (@sherryrehman) December 30, 2022
شیری رحمٰن نے کہا تمام منصوبے ناکام ہونے کے بعد "پاکستان تحریک احتجاج" ایک بار پھر مظاہرے کرنے جا رہی ہے، پی ٹی آئی نے بس تقسیم، گالم گلوچ، الزام تراشی اور کنٹینر کی سیاست کرنی ہے۔