کراچی : رینجرز کےساتھ مقابلے میں تین دہشتگرد ہلاک
کراچی(92نیوز) کراچی کے علاقے منگھو پیر میں دہشتگردوں اور رینجرز کے درمیان فائرنگ کے تبادلے میں تین دہشتگرد ہلاک ہوگئے ہیں ۔
تفصیلات کےمطابق کراچی کے علاقے منگھو پیر میں رینجرز اور دہشتگردوں کے درمیان مقابلہ ابھی تک جاری ہے جبکہ فائرنگ کے تبادلے میں تین دہشتگردوں کے مرنے کی اطلاعات ہیں ۔
ذرائع کے مطابق رینجرز نے منگھو پیر میں حساس اداروں کی اطلاع پر کارروائی کی تو دہشتگردوں نے فائرنگ کر دی ۔ رینجرز اہلکاروں نے بھی جوابی فائرنگ کی جس سے تین دہشتگرد ہلاک ہوگئے ہیں جبکہ ایک رینجرز اہلکار بھی زخمی ہوا ہے ۔
رینجرز نے مزید نفری طلب کر لی ہے جبکہ فائرنگ کا تبادلہ ابھی تک جاری ہے ۔