Sunday, June 23, 2024

پاکستان اور ویسٹ انڈیز کے مابین آخری ٹی ٹوینٹی کل کھیلا جائے گا

پاکستان اور ویسٹ انڈیز کے مابین آخری ٹی ٹوینٹی کل کھیلا جائے گا
September 26, 2016
لاہور (92نیوز) دو میچز میں تو کالی آندھی کی خوب درگت بنی اب انتظار ہے تیسرے ٹی ٹوینٹی کا جو کل شیخ زاید اسٹیڈیم میں کھیلا جائے گا۔ سرفراز الیون نے کلین سویپ کے لیے جان مارنے کا عزم ظاہر کیا ہے۔ تفصیلات کے مطابق پہلے میچ میں ویسٹ انڈیز کے بلندوبانگ دعووں کو خاک میں ملا دیا گیا۔ پاکستان نے پہلا میچ باآسانی اپنے نام کیا۔ دوسرے میچ کی باری آئی تو پاکستان نے ٹاس جیت کر پہلے بیٹنگ کا فیصلہ کیا۔ ایک سو ساٹھ کا رنز کا ٹارگٹ دیا جس کے جواب میں کالی آندھی ایک سو چوالیس پر ہی ڈھیر ہو گئی۔ سیریز دو صفر سے اپنے نام کرنے پر سرفراز احمد خوشی سے نہال دکھائی دیے اور کہا جیت ٹیم ورک کا نتیجہ ہے۔ اب باری ہے تیسرے اور آخری ٹی ٹوینٹی میچ کی جو کل شیخ زاید اسٹیڈیم میں کھیلا جائے گا۔ ویسٹ انڈین کپتان نے بہتر کھیل پیش کرنے کا دعویٰ کیا ہے جبکہ دو میچز جیتنے کے بعد شاہینوں کا مورال بھی ہائی ہے۔