Tuesday, November 30, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

چاغی آپریشن میں سکھ تاجر بازیاب، ’چار اغوا کار گرفتار‘

چاغی آپریشن میں سکھ تاجر بازیاب، ’چار اغوا کار گرفتار‘
February 21, 2015
پاکستان کے صوبہ بلوچستان کے ضلع چاغی میں ایک مغوی سکھ تاجر کی بازیابی کے آپریشن کے دوران ایک شخص ہلاک ہوگیا ہے۔ حکام کے مطابق مہیش کمار نامی تاجر کو ضلع چاغی کے ہیڈکوارٹر دالبندین سے ڈیڑھ ماہ قبل غوا کیا گیا تھا۔ اہلکار کا کہنا تھا کہ اغواکاروں نے انھیں چاغی کے ہی دوردراز علاقے آمری میں رکھا تھا۔ لیویز کا کہنا ہے کہ سنیچر کو مغوی کی بازیابی کے لیے لیویز فورس کے اہلکاروں نے اس علاقے میں کارروائی کی۔ اِغواکاروں اور لیویز فورس کے درمیان فائرنگ کے تبادلہ ہوا۔ اہلکار کا کہنا ہے کہ اس کارروائی میں تاجر کو بحفاظت بازیاب کروا لیا گیا ہے جبکہ چار اِغوا کاروں کو بھی گرفتار کر لیا گیا ہے۔ ان کے مطابق مہیش کمار اور ان کے گرفتار شدہ اغوا کاروں کو دالبندین منتقل کیا جا رہا ہے۔ یاد رہے کہ ڈیڑھ ماہ قبل مہیش کمار کے اِغوا کاروں نے ان کے گھر والوں سے تاوان کا مطالبہ بھی کیا تھا مہیش کی بازیابی کے لیے بلوچستان میں تاجر برادری کی جانب سے احتجاج بھی کیا گیا تھا۔