تحریک انصاف کے بیس ڈی سیٹ ارکان کی نشستوں پر الیکشن سترہ جولائی کو ہو گا
اسلام آباد (92 نیوز) - تحریک انصاف کے بیس ڈی سیٹ ارکان کی نشستوں پر الیکشن سترہ جولائی کو ہو گا۔
الیکشن کمیشن نے پنجاب اسمبلی کی خالی نشستوں پر ضمنی انتخاب کا شیڈول جاری کر دیا۔ دوسری جانب الیکشن کمیشن کے ممبران کی تعیناتی سے متعلق پارلیمانی کمیٹی کا اجلاس ہوا۔ بابر حسن بھروانہ پنجاب کے ممبر الیکشن کمیشن مقرر کر دیئے گئے۔ جسٹس ریٹائرڈ اکرام اللہ خان خیبرپختونخوا سے الیکشن کمیشن کے ممبر مقرر کر دیئے گئے۔