تحریک انصاف کا الیکشن کمیشن کے نئی حلقہ بندیوں کے اقدام کو چیلنج کرنے کا فیصلہ

اسلام آباد (92 نیوز) - تحریک انصاف نے الیکشن کمیشن کے نئی حلقہ بندیوں کے اقدام کو چیلنج کرنے کا فیصلہ کر لیا۔

فواد چودھری نے کہا ہے کہ نئی حلقہ بندیاں صرف اس صورت میں ممکن ہیں جب نئی مردم شماری ہو۔ مردم شماری کے بغیر نئی حلقہ بندیاں آئین کی سنگین خلاف وزری ہو گی۔ الیکشن کمیشن انتخابی عمل کو متنازعہ بنانے کے مشن پر ہے۔

تحریک انصاف نےالیکشن کمیشن کے ملک بھر میں دوبارہ حلقہ بندیوں کے اقدام کو چیلنج کرنےکا فیصلہ کیا ہے،نئ حلقہ بندیاں صرف اس صورت میں ممکن ہوتی ہیں جب نئ مردم شماری ہو،مردم شماری کے بغیر حلقہ بندیاں آئین کی سنگین خلاف ورزی ہو گی۔ الیکشن کمیشن انتخابی عمل کو متنازعہ بنانے کے مشن پر ہے

— Ch Fawad Hussain (@fawadchaudhry) April 14, 2022