سیاسی تصادم بڑھ گیا تو سیاست دان بھی نشانے پر ہوں گے، شیخ رشید

راولپنڈی (92 نیوز) - سربراہ عوامی مسلم لیگ شیخ رشید کہتے ہیں کہ سیاسی تصادم بڑھ گیا تو سیاست دان بھی نشانے پر ہوں گے۔

سوموار کے روز ٹویٹر پر اپنے پیغام میں انہوں نے کہا کہ الیکشن میں تاخیر جمہوریت کی موت ہوگی، قوم کو سمجھ ہے کہ نواز شریف اور آصف زرداری کی بیماری بھاگنے کا بہانہ ہوتی ہے۔ بزدل نوازشریف آئے نہ آئے، اہل ہو یا نااہل ہو، اب کوئی فرق نہیں پڑتا۔

سابق وزیر داخلہ شیخ رشید نے کہا کہ شہباز شریف میثاق معیشت کی بجائے میثاق جمہوریت کریں۔ شفاف الیکشن کی تاریخ طے کریں اور فیصلہ قوم پر چھوڑ دیں۔

قوم کو سمجھ ہے کہ نواز شریف اور آصف زرداری کی بیماری بھاگنے کا بہانہ ہوتی ہے۔بزدل نوازشریف آئے نہ آئے،اہل ہو یا نااہل ہو،اب کوئی فرق نہیں پڑتا۔اسکی سعودی عرب کی بیماری اور لندن کی بیماری سیاسی ریاکاری ہے۔معیشت کو تباہ کرنے والے سیاستدانوں کے اصلی چہرے عوام میں بےنقاب ہو گئے ہیں۔

— Sheikh Rashid Ahmed (@ShkhRasheed) August 15, 2022