سیاست سے کوئی تعلق نہ ہی سرکاری کام میں مداخلت کی، فرح خان کی عائد الزامات کی تردید
لاہور (92 نیوز) - پنجاب میں ٹھیکوں اور ٹرانسفر پوسٹنگ کیلئے پیسے لینے کے الزامات کے ایک ہفتہ بعد فرح خان کا بیان سامنے آگیا۔
فرح خان نے ٹویٹ کرکے اپنے اوپر لگائے گئے تمام الزامات کی تردید کردی، فرح خان نے لکھا کہ ان کا سیاست سے کوئی تعلق نہیں اور نہ ہی کبھی سرکاری کام میں مداخلت کی ہے، ان کے کردار پر کیچڑ اچھالنے والوں کی اپنی بھی بہن بیٹیاں ہیں۔
— iam Farah Khan (@farahkhan_92) April 7, 2022
فرح خان نے لکھا کہ ان کے کاروبار کے بارے میں ان کے شوہر وضاحت کرچکے ہیں، جن لوگوں کو ان سے منسوب کیا گیا وہ بھی الزامات کی تردید کرچکے ہیں۔ الزامات سے ان کی فیملی صدمے کی کیفیت میں ہے، خدارا انہیں اور ان کے خاندان کو سنی سنائی باتوں پر بدنام نہ کیا جائے۔
